Archive for Setembro 2011

Postos participantes no mercado do sábado 1.

Adxuntamos a información sobre os postos que participarán no mercado. Todas as persoas que veñen producen e venden directamente os seu produtos en canles curtas de comercialización. O traballo que fan a cotío abrangue a sostibilidade e a ecoloxía no territorio da galiza. A conxunción de tal variedade de postos no mercado indica o crecemento que está a ter a agricultura ecolóxica na nosa terra e da toma de consciencia d@s consumidoras da trascendencia que ten o qué consumimos sobre a sociedade o medio ambiente e a economía.

Animámosvos a vir e compartir connosco unha xornada tranquila e divertida. Con tempo para falarmos e comer bem.

 

Horta

Dolores (Teo)- Hortalizas e roquillas.
Xulio e Belén (Cambre)- Respostería, pemento do couto, empanadas.
Raínha Lupa (Quilmas)- Hortalizas, mel, fariñas e pan, conservas e aromáticas.
Senra SCG (A Estrada)- Horta e mel.
Millo e Landras (Vilasantar)- Queixo fresco, rixós, chourizos e carne de porco celta, horta.
Casa do Campo (A Estrada)- Hortalizas, pan, conservas.
Finca de Cora (A Estrada)- Hortalizas, pizzas, galletas e conservas.
Milhulloa (Palas de Rei)- Herbas menciñeiras e grelos deshidratados e cosmética natural.
Carme de Socastro (Socastro- Rois)- Horta e queixos.

Mel

Monte Veciñal de Caldebarcos e San Cibrán (Caldebarcos)- Mel
AGA (Arzúa)- Mel
Santi (Louro)- Mel, requeixo e alimentación ecolóxica.

Asociacións/colectivos

ADEGA
Sindicato Labrego Galego- SLG
Asociación Galega de Apicultura- AGA
Monte Pindo Parque Natural
ZocaMiñoca- Cooperativa de consumo responsable
Implicadas no desenvolvemento- ONG

Artesanía

BolaTola (Panchés)- Cosmética natural. xabróns, ungüentos, cremas…
Charo (San Mamede)- Cerámica.
Charamusca (Canedo)- Cerámica
Nacho Porto (Cornido)- Cerámica
Cesteiro de Rois- Cesteiría tradicional
Francisco (Porto do Son)- Cesteiría tradicional
Susana (Quiroga)- Cerámica e mandís con materiais reutilizados.
O pano encantado (Ponteceso)- Roupa para nenos.
Carme (Louro)- Diademas e adornos con teas reutilizadas.

Outros

Menduíña (Cangas)- Cervexa artesá
Empanadas de millo (Rois)- Filloas, empanadas, etc…
Ánxel (O Carballiño)- Pulpeiría
Equisol (Santiago)- Comercio Xusto
Queixería Don Gabino (Vilalba)- Queixo de San Simón.

Barra da Raínha Lupa (Quilmas)- Café, té, infusións-ecolóxicos-, tapas de tomate, biscoitos elaborados con ingredientes naturais, viño do ribeiro- adega- e augas.

Tanquián (Lugo)- Siropes, marmeladas e chutneys.

Advertisements

Mercado do 13 de Agosto

Aquí temos algunhas imaxes do mercado de agosto.

Equipo da Raínha Lupa, facendo o xantar despois dunha xornada de moito traballo. De esquerda a dereita: Emile, Manu, Marga, Xosé Manuel, Lucía, Salomé e Zeca.

Do frente ao fondo: AGA (asociación galega de apicultura) con mel galego de diferentes variedades e información, CMMVV Caldebarcos e San Cibrán con mel propio e Cooperativa de Agric. Ecol. Raínha Lupa con hortalizas, conservas e cereais.

Posto da Raínha Lupa

Mercado Tradicional Ecolóxico de Quilmas o 1 de Outubro

Ver o cartaz

Unha nova edición do Mercado Ecolóxico de Quilmas estase a forxar para o 1 de outubro. Esta será a derradeira das 3 festas feitas en Quilmas durante este verán- outono e haberá que esperar ao vindeiro ano, ao mes de abril, que é cando se reiniciarán a secuencia de sete mercados durante sete meses, para ver de novo xuntas no mesmo lugar ás labregas e labregos con leiras ecolóxicas da Coruña, ás artesás e artesáns de Carnota e ás asociacións con máis forza na defensa da natureza, da ecoloxía, do consumo responsable e agricultura sostible de Galiza.

Voltando á actualidade, o sábado 1 de Outubro en Quilmas terá lugar o Mercado ecolóxico tradicional pola defensa da terra e o domingo 2,  poderedes asistir á limpeza do río Vadebois, ambas actividades terán comezo ás 10:00h, sendo o punto de partida a Praza da Pobo de Quilmas (no centro do Lugar), a xornada do domingo rematará na Lagoa de Caldebarcos onde se realizará un avistamento de aves.  Para a xornada do día 2 é preciso realizar unha inscripción previa no 697 364 124 antes do 27 de Setembro.

Ven ollar as cores da terra nos froitos do outono, coma sempre, no mercado haberá degustación de mel galego  e doutro froito de tempada que se deixará probar durante a xornada, haberá cervexa artesá do morrazo, queixos e hortalizas frescas ecolóxicas galegas…a saúde e o sabor dende as leiras á nosa mesa.

Se tes inquedanzas nos xeitos de produción, no significado da ecoloxía, que cousas se poden cambiar con xestos cotiáns, achégate a Quilmas e toparás mesas de diferentes colectivos, información sobre consumo responsable, agricultura, ecoloxía, proteción do medio ambiente, biodiversidade e desenrolo rural sostible.

Tamén haberá unha mostra das texturas da natureza, a artesanía de proximidade de cerámica, coiro e cesteiría, así coma de cosmética natural.

O día 1 de outubro en Quilmas  sonará música animosa, gastronomía típica elaborada cos mellores ingredientes, bebidas ecolóxicas e moito que ver.

MERCADO TRADICIONAL ECOLÓXICO POLA DEFENSA DA TERRA…CONTRA A DESTRUCIÓN DA TERRA FÉRTIL E A CONTAMINACIÓN DO MAR…escoita a chamada.